Posibles cambios na alineación

Acertar a aliñación que vai presentar Pepe Murcia esta tarde en Tenerife é máis difícil que acertar a quiniela. Tras os malos resultados dos últimos encontros as incógnitas son moitas e en case todas as posicións.

É segura a presenza de Notario na portería, e de Peña con Rubén no centro da defensa tras a lesión de Noguerol. Nos laterais o normal é que estea Edu Moya pola dereita e Roberto Lago pola esquerda.

A partir de aí empezan as dúbidas. Oubiña ten o posto asegurado no dobre pivote, pero non está claro quen será o seu acompañante. Todo apunta a que Jonathan Vila. Ambos formaron parella fronte ao Castelló en casa e non saíu moi ben, aínda que quizais fose de casa e nas circunstancias actuais sexa diferente.

En canto ao cuarteto máis ofensivo, a dúbida estriba no sistema de xogo. Pepe Murcia non dado pistas sobre se manterá os dous dianteiros ou dará entrada a Roberto Trashorras apostando por un 4-2-3-1.

Se hai cambio, o de Rábade estaría por detrás de Dinei. Se xogan dúas puntas, serán os de sempre, entre outras cousas porque non hai máis coa baixa de Maris: Dinei e David Rodríguez.

As bandas tampouco están claras. Dani Abalo, Óscar Díaz e Ghilas dispútanse dous postos, sen descartar a Danilo. A baixa forma de Dani Abalo e Óscar Díaz podería deixar fóra a un dos dous e dar entrada a Kamel Ghilas. Calquera combinación é posible, porque o alxerino tampouco estivo nada fino o pasado sábado ante o Éibar xogando pola esquerda.

Previa: Tenerife – Celta «Gañar ou gañar» (18:00 hora insular – Heliodoro Rodríguez López)

Partido crucial, pra que siga Pepe Murcia fronte o Celta, ainda que dende a directiva digan que non. Unha derrota, coa mala imaxe dos ultimos partidos podería ser o ultimatun pra Pepe Murcia, e se perden a situación xa empezaria a ser preocupante porque acercarianse aos postos de descenso. Fai un mes loitabamos polo liderato e agora loitamos por non descender, que triste.
O escenario, onde o Celta quere comezar de novo a remontada e complicado, cun Tenerife moi crecido, que atravesa unha boa racha de resultados e esta arroupado, por unha afección que xa nos gustaria ter a nos. A media de espectadores por partido que van ao estadio e de 20.000, a Balaidos non vai nin a terceira parte.
O Tenerife son segundos na clasificación e leva seis partidos sen perder, con catro vitorias e dous empates. Ao contrario o Celta leva seis partido sen gañar, e consegui 2 puntos de 18 posibles.
Pero Pepe Murcia, cree na vitoria, ve ao equipo con moral de gañar no Heliodoro Rodríguez López, e sabe que na primeira volta despois de gañarlle ao Tenerife, na quinta xornada, o equipo empezou a crecer, podendo situarse no primeiro posto da tabla. E mirarnos agora a seis puntos do descenso.

Fai un mes todo era optimismo e agora todo pesimismo. Nin antes eramos tan bos, nin agora tan malos. Oxala podamos conseguir a victoria, e volver a ver partidos como o de Balaidos contra o Zaragoza, e empece a vir xente a Balaidos, porque esta quedando deserto. Un SAÚDO e Hala CELTAAA!!!!!

Lista de convocados: Tenerife – Celta

O adestrador do Real Club Celta, Pepe Murcia, convocou a 18 xogadores pra o partido deste domingo ante o Tenerife (Heliodoro Rodríguez López, 17:00, hora insular). É baixa por lesión Francisco Noguerol, mentre que Maris estará ausente a causa da enfermedade que arrastra dende fai uns días e Ariel Rosada perderase o choque por acumulación de amonestacións. Na lista, figura de novo o central do filial Jordi, non están por decisión técnica Fabiano, Renan e George Lucas.

Porteiros: Notario e Falcón
Defensas: Peña, Roberto Lago, Rubén, Fajardo, Edu Moya e Jordi
Medios: Oubiña, Trashorras, Danilo, Óscar Díaz, J. Vila, Michu e Dani Abalo
Dianteiros: Ghilas, David e Dinei