Tras utilizar durante toda a pretemporada un sistema 4-4-2, polo que ademais Pepe Murcia apostara publicamente nas súas declaracións, en Alacante cambiou o sistema de xogo para dispor un 4-2-3-1 no que Trashorras actuou como mediapunta.
Agora o técnico celeste di que poderá utilizar calquera debuxo táctico, porque iso non é o máis importante para que o equipo renda. Prefire non descubrir as súas cartas: “Dá igual que xoguemos un 4-4-2 ou un 4-2-3-1, o único que importa é o tipo de actitude que temos que desenvolver”, manifestou o andaluz onte en Vilarreal.
Sobre a posición de Roberto Trashorras, que de momento non se atopou cómodo nin de mediocentro, nin de mediapunta, Murcia apuntou: “Cando xoga de segundo punta ten bo manexo de balón e cando xoga de medio centro o mesmo. Trashorras pode xogar en calquera sitio. Non o estamos descubrindo agora”, comentou o adestrador sen despexar ningunha dúbida.
Para repetir unha formación parecida á do xoves en Alacante tería que prescindir de Kamel Ghilas, xa que só entraría un punta.
Celta 0-1 Girona Alineación: 4-4-2 Alicante 0-1 Celta Alineación: 4-2-3-1
0 Respuestas a “Pepe Murcia dúbida se apostar polo esquema 4-4-2 ou polo 4-2-3-1”